Элчин сайд Д.Гансүх өнөөдөр Чех улсын Усти над Орлици хотноо зохион байгууллагддаг Чехийн алдарт хөгжимчин Коцианы нэрэмжит хийлчдийн уралдаанд оролцсон багш нар, хүүхдүүд, эцэг эхчүүдийг хүлээн авч уулзав. Тус тэмцээний бага насны ангилалд амжилттай өрсөлдөж, гутгаар байранд шалгарсан Ган-Эрдэнийн Гансүлд нарын хүүхдүүдтэй танилцахад таатай байв. Манай хүүхдүүд Монгол Улсын Консерваторын багш, доктор, профессор Ж.Баярсайхан багшийн хамт тэмцээндээ оролцжээ.

Ярослав Коциан 1883 онд Усти над Орлици хотод төрсөн Чехийн хамгийн алдартай хийлч бөгөөд түүний нэрэмжит тэмцээн 1959 оноос зохион байгуулагдаж иржээ. 2023 оны 5 дугаар сарын 2-6-ны өдрүүдэд болсон 65 дахь удаагийн тэмцээнд Чех, Словак, Монгол, АНУ, Канад, Турк, Унгар, Австри, Польш, Япон, Серби, Израиль зэрэг орны хүүхдүүд оролцжээ.

Ж.Баярсайхан багшид эрүүл энх, сайн сайхныг ерөөж, авьяаслаг хүүхдүүддээ улам их амжилт хүсье.

Прага дахь ЭСЯ

2023 оны 5 дугаар сарын 8-ны өдөр