ЭЛЧИН САЙД ЧЕХИЙН ХУДАЛДААНЫ ТАНХИМЫН ДЭД ЕРӨНХИЙЛӨГЧТЭЙ УУЛЗАВ

Элчин сайд Д.Гансүх 8 дугаар сарын 1-ний өдөр Чехийн Худалдааны танхимын Дэд ерөнхийлөгч Р.Якубский, тус танхимын Гадаад харилцааны газрын Дэд захирал П.Талафус нарыг хүлээн авч уулзав. Уулзалтаар Чехийн бизнес эрхлэгчдийн ирэх 10 дугаар сард Монгол Улсад хийх айлчлал, мөн Улаанбаатар хотноо зохион байгуулахаар төлөвлөж буй Монгол- Чехийн Бизнес форумын бэлтгэл ажлын талаар ярилцав. Мөн үеэр Чехийн төлөөлөгчид Улаанбаатар хотноо болох “Экспо Монголиа” арга хэмжээнд оролцох аж.

Монгол-Чехийн Бизнес форум нь хоёр орны бизнес эрхлэгчид хооронд хэлхээ холбоо тогтоож, хамтын ажиллагааг хөгжүүлэхэд чиглэсэн чухал арга хэмжээнүүдийн нэг юм.

Чехийн Худалдааны танхим нь 16000 гаруй гишүүнтэй бөгөөд тус улсын хамгийн их бизнесийн төлөөллийг нэгтгэсэн байгууллага юм.

Прага дахь ЭСЯ
2022 оны 8 дугаар сарын 1

Source